Hesperian Health Guides
Эрэгтэй эмэгтэй хүмүүс өөр өөр хэрэгцээ шаардлагатай байдаг
HealthWiki > Орчны эрүүл мэндийн тухай > 7–аар бүлэг: Жорлон байгуулах > Эрэгтэй эмэгтэй хүмүүс өөр өөр хэрэгцээ шаардлагатай байдаг
Гарчиг
Эмэгтэйчүүдийн хэрэгцээг тооцсон жорлонг төлөвлөж байгуулах
Ариун цэврийн байгууламжийн төлөвлөлтийг хийхдээ эмэгтэйчүүдийн хэрэгцээг тооцож үзэхгүй байх нь эрүүл мэндэд илүү эрсдэл учруулдаг. Орон нутгийн ариун цэврийн байгууламжуудыг төлөвлөхдөө тэр өөрчлөлтүүд нь бүх хүнд тохирч байна уу гэдгийг тооцож ялангуяа эмэгтэйчүүдийн эрхэнд нийцэх эсэхийг тооцоолох ёстой.
Эмэгтэйчүүдийг орон нутийн ариун цэврийн хорооны төлөвлөтөнд оролцуулахын тулд дараах зүйлийг хийж болно:
- Эмэгтэйчүүдийг ирж болохоор цагт уулзалтыг зохион байгуул.
- Эмэгтэйчүүдийг урьж тэдэнд ярилцах бололцоо олго.
- Эмэгтэйчүүдийг хялбар яриулахын тулд эмэгтэйчүүдэд зориулсан тусгай уулзалт хий.
- Шийдвэр гаргах эрх мэдлийг хувааж эдэл
Эмэгтэйчүүд ихэвчлэн хүүхдүүдэд юмзааж сургаж тэднийг хүмүүжүүлдэг. Хэрэв эмэгтэйчүүдийн хэрэгцээг хангахуйц төлөвлөгөөг хийгээгүй бол тэр нь хүүхдүүдийн хэрэгцээг бас хангаагүй гэсэн үг. Эмэгтэйчүүд гэр бүлийн төлөвлөлтөнд оролцоогүй бол, орон нутгийн ариун цэврийн төлөвлөлтөнд оролцоогүй бол нийт орон нутгийн хэмжээнд хохирол амсдаг.
Бие засах газарт эмэгтэйчүүдэд тохиолддог саад бэрхшээлийг арилгах
Энэхүү дасгал нь эмэгтэйчүүдийг аюулгүй эрүүл бие засах газартай болгоход нь санаа өгч туслана. Ярилцлагын зорилго нь хүн бүхнийг эрүүл байлгах ямар өөрчлөлтийг хийх вэ гэдэг зорилготой. Эхлээд энэ ярилцлагыг зөвхөн эмэгтэйчүүдийн дунд явуулаад дараа нь эрэгтэйчүүдтэй хамтарсан бүлэгт зохион байгуулж болно. Материал: том зургийн цаас, үзэг харандаа, наалдах скоч
Хугацаа: 1-1.5 цаг
Материал: том зургийн цаас, үзэг харандаа, наалдах скоч
- Том цаасан дээр жорлонгийн тухай дүгнэлтүүдийг бич. Дараа нь дүгнэлт бүхнийг бүлгийн гишүүдэд уншиж өгч түүнтэй бүлгийн гишүүд санал нэг байгаа эсэхийг лавла. Санал нэг байгаа бол гараа өргөнүү гэж асуу. Санал нэг байгаа хариулт бүхний ард тэмдэг тавь.
Жишээлбэл доорх дүгнэлтүүдийг хэрэглэж болно. - Дүгнэлт бүхний ард байгаа зөвшөөрсөн тэмдэгүүдийг тоол. Хамгийн олон тэмдэгтэй асуудлуудыг сонгон авч тэдгээрийн талаар ярилц. Асуудлын үндэс суурь нь юу байна?, энэ асуудлаас болж ямар өвчин гарч болох вэ? Байдал нөхцөлийг сайжруулахын тулд бид юу хийж чадах вэ? Түүнийг сайжруулахад гарах ямар саад бэрхшээл байна.
- Эрэгтэйчүүд эмэгтэйчүүд гээд бүх хүний хэрэгцээг хангахуйц өөрчилөлтийг хийхийн тулд ямар арга хэмжээ авах талаар шийдвэр гарга. үүгээр бүлгийн хэлэцүүлгийг дуусгана.
Жорлонг хэрэглэхэд хялбар болгох
Хүүхэд том хүн хөгжлийн бэрхшээлтэй тахир дутуу хүмүүст жорлонг хэрэглэхэд хялбар болгох олон арга бий. Хүмүүсийн ур чадвар эрүүл мэндээс хамаарч жорлонг тэдэнд тохируулан төлөвлөнө. Хүн бүхний хэрэгцээнд тохирох жорлон хийхийн тулд ур ухаан гаргаж сэтгэ.
Хэрэв хүн өвдөгөө нугалж суухад бэрхшээлтэй бол гараараа тулах тулгуурийг хийж өгөх ба жорлонгийн суудлыг өндөр болгож өгөх ёстой. Хэрэв жорлонгийн нүх нь газарт байвал нүхэн дээр суудаг сандал юмуу суултуур хийж болно.
Хэрэв хүн биеэ хянах чадвар муутай байгаа бол түүний нуруу хажуу хөл, хөлийг түших суудлын даруулга юм уу түшлэгнүүдийг хийж өгөх ёстой.
Хараагүй хүмүүст гэрээсээ жорлон хүрэх замд нь утас олс татах буюу хашаа барьж, чиглүүлж өгөх ёстой.
Хэрэв хэн нэгэн хүн бие засахад тохиромжгүй хувцастай байгаа бол түүнд хувцасаа солих газрыг байлгаж өгөх буюу цэвэрхэн хуурай байрыг хангаж болно.
Хэрэв хүн сууж чадахгүй байгаа бол түүнд хөдөлгөөнтэй гар тэрэг болон тулгуур шатыг хийж өгч болно.
тэргэнцэртэй хүнд зориулсан жорлон
